ប្រជាពលរដ្ឋកំពុងរងចាំមើលអំពីចំណាត់ការរបស់អាជ្ញាធរពាក់ព័ន្ឋ ក្នុងការជីកកាយដីភ្នំសម្បត្តិធម្មជាតិដ៏កំរ៉ ក្នុងខេត្តកំពត ថាតើក្រុមហ៊ុននេះមានច្បាប់អនុញ្ញាតត្រឹមត្រូវដែលឬយ៉ាងណា? ​ ខណៈសម្តេចធិបតី ហ៊ុន ម៉ាណែតបានប្រកាសថាសូមពិនិត្យអោយបានម៉ឺងម៉ាត់ដើម្បីជាសវាងផលប៉ះពាល់ដល់បរិស្ថាន និងប្រយោជន៍ប្រទេសជាតិ!! វគ្គ៣

 

ខេត្តកំពតថ្ងៃទី២៤ ខែកុម្ភះ ឆ្នាំ២០២៦ ៖ យោងតាមប្រភពព័ត៌មានដែលបានផ្ដល់មកថាមានទីតាំងរុក រករ៉ែមួយចំនួនដែលស្ថិតនៅក្នុងភូមិសាស្ត្រ ភូមិជ័យសេនា ឃុំតាកែន  ស្រុកឈូក ខេត្តកំពត។ ក្នុងទីតាំងនោះមានគ្រឿងចក្រជាច្រើនគ្រឿងកំពុងធ្វើសកម្មភាពជីកគាស់កាយដីភ្នំដែលជាសម្បត្តិធម្មជាតិដ៏កម្ររបស់ប្រទេសកម្ពុជាយ៉ាងសកម្មតែម្តង។ ដោយឃើញសកម្មភាពទាំងអស់នេះខាងអង្កភាពខ្ញុំបានធ្វើការផ្សាយជូនដំណឹងដល់អាជ្ញាធរ ​និងក្រសួងពាក់ព័ន្ឋចំនួន ២ដងមកហើយ ប៉ុន្តែរហូតមកដល់ពេលនេះពុំទាន់មានអាជ្ញាធរ ក្រសួងស្ថាប័នពាក់ព័ន្ឋណាមួយចេញចេញក្តីបំភ្លីនៅឡើយ។

ជុំវិញការលើកឡើងខាងលើនេះអង្គភាពសារព័ត៌មានរបស់យើងគោរពរាយការជូន៖

សូមគោរពស្នើសុំឯកឧត្តម កែវ រតនៈ   រដ្ឋមន្ត្រីនៃក្រសួងឧស្សាហ៍កម្មរ៉ែ និងថាមពល សូមចាត់មន្ត្រីដើម្បីធ្វើការពិនិត្យ និងស្រាវជ្រាវនៅទីតាំងដែលស្ថិតនៅក្នុងភូមិសាស្ត្រខាងលើដោយការគោរព។

សូមគោរពស្នើសុំឯកឧត្តម អៀង សុផល្លិត   រដ្ឋមន្ត្រីនៃក្រសួងបរិស្ថាន សូមចាត់មន្ត្រីដើម្បីធ្វើការពិនិត្យ និងស្រាវជ្រាវនៅទីតាំងដែលស្ថិតនៅក្នុងភូមិសាស្ត្រខាងលើដោយការគោរព។

សូមគោរពឯកឧត្តមបណ្ឌិត ម៉ៅ ធនិន បញ្ជាការនៃគណៈបញ្ជាការខេត្តកំពតសូមចាត់មន្ត្រីដើម្បីជួយត្រួតពិនិត្យលើទីតាំងភូមិសាស្ត្រខាងលើនេះដោយការគោរពដ៏ខ្ពង់ខ្ពស់ខ្ពស់។

សូមជំរាបដំណឹងជូនលោក សោម វិចិត្រប្រធានមន្ទីរ រ៉ែ និងថាមពល ខេត្តកំពត ជ្រាបជា         ព័ត៌មាន។

ប្រជាពលរដ្ឋនៅក្នុងតំបន់ អង្គការសង្គមស៊ីវិល ក៏ដូចជាសាធារណជនទូទៅសង្ឃឹមថាអាជ្ញាធរ និងមន្ត្រីជំនាញពាក់ព័ន្ធមានវិធានការ និងត្រួតពិនិត្យមើលទីតាំងខាងលើនេះក្នុងការចូលរួមចំណែកជាមួយ និងរាជរដ្ឋាភិបាលកម្ពុជាដើម្បីទប់ស្កាត់រាល់សកម្មភាពមិនប្រក្រតីណាមួយដែលអាចនឹងកើតឡើង ជារឿងដែលធ្វើផ្ទុយពីច្បាប់នៃព្រះរាជាណាចក្រកម្ពុជា។

 

អង្គភាពសារព័ត៌មានរបស់យើងគឺជាកញ្ចក់ឆ្លុះបញ្ចាំងអំពីផលប្រយោជន៍សង្គម និងរង់ចាំទទួលប្រភពព័ត៌មានជាបន្តបន្ទាប់គ្រប់ពេលវេលា ដើម្បីធ្វើការចេញផ្សាយអំពីសកម្មភាពនៃការកាប់គាស់កកាយរុករករ៉ែ របស់ក្រុមហ៊ុនដែលស្ថិតនៅភូមិជ័យសេនា ឃុំតាកែន ស្រុកឈូក ខេត្តកំពត សូមអរគុណ..៕