(ចិន)៖ នាយប់ថ្ងៃទី៣១ ខែតុលា ឆ្នាំ២០២៥ លោក ពេជ្រ ចិត្រា អនុប្រធានគណៈប្រតិភូនៃដំណើរបេសកកម្ម និងក្រុមការងារតំណាងលោក ឡាវ វ៉ាន់ ប្រធានការិយាល័យគ្រឹះស្ថានសិក្សា នៃគណៈកម្មាធិការអាហារូបករណ៍ អ.ម.ត បានជួបសំណេះសំណាល និងពិសាអាហារសាមគ្គីជាមួយនិស្សិតកម្ពុជា១០២ នាក់ កំពុងសិក្សានៅរដ្ឋធានីប៉េកាំង នៃសាធារណរដ្ឋប្រជាមានិតចិន។
ថ្លែងក្នុងពិធីសំណេះសំណាលនេះ
លោកបានផ្តាំផ្ញើសាកសួរសុខទុក្ខពីលោក ឡាវ វ៉ាន់
និងបានផ្តាំផ្ញើនិស្សិតឱ្យចូលរួមផ្សព្វផ្សាយវប្បធម៌ អរិយធម៌
ប្រពៃណីខ្មែរលើឆាកអន្តរជាតិ
ព្រមទាំងត្រូវចេះសាមគ្គីគ្នាក្នុងស្មារតីខ្មែរស្រលាញ់ខ្មែរ ខ្មែរជួយខ្មែរ។
លោកបានបន្តលើកឡើងឱ្យនិស្សិតមានទំនាក់ទំនងល្អជាមួយសាលា
មិត្តភក្តិបរទេស និងបន្តខិតខំរៀនសូត្រឱ្យពូកែទាំងចំណេះដឹងផ្នែកភាសា ជំនាញ
ដើម្បីជាស្ពានក្នុងការចូលរួមកសាងជាតិមាតុភូមិកម្ពុជា ក្រោយពេលបញ្ចប់ការសិក្សា៕
