ជារឿងដ៏គួរឱ្យភ្ញាក់ផ្អើល នៅវេលាម៉ោង ៩:១០ នាទីព្រឹក ថ្ងៃទី ២៩ ខែតុលា ឆ្នាំ ២០២៥ នេះ មានករណីស្ត្រីជនជាតិថៃម្នាក់ បានធ្លាក់ពីលើអគារជាន់ទី ៣ ស្លាប់ ដោយពុំទាន់ដឹងពីមូលហេតុ។
ហេតុការណ៍នេះ បានកើតឡើងនៅចំណុចអគារ អ៊ែតវូត ក្រុងប៉ោយប៉ែត ខេត្តបន្ទាយមានជ័យ ខណៈបើតាមប្រភពព័ត៌មានបឋមបានឱ្យដឹងថា មុនពេលកើតហេតុ គេបានឮសំឡេងធ្លាក់លាន់ដូចប៉ាវខ្សាច់ ទើបនាំគ្នាទៅមើល ស្រាប់តែប្រទះឃើញស្ត្រីម្នាក់ធ្លាក់មកពីលើអគារជាន់ទី ៣ ក្នុងសភាពដកដង្ហើមចង្រិត ស្លៀកពាក់អាវ Hoodie ពណ៌បៃតង និង ខោខាប៊ូយ។
ហេតុការណ៍នេះ បានបង្កឱ្យមានការភ្ញាក់ផ្អើលខ្លាំងដល់ប្រជាពលរដ្ឋ និង អ្នករស់នៅក្បែរៗនោះ។ សម្រាប់ព័ត៌មានលម្អិតបន្តទៀតយ៉ាងណា យើងនឹងជម្រាបជូននៅពេលក្រោយទៀត៕
